អភិបាលកិច្ចនៃវិទ្យាស្ថានប៉ាស្ទ័រកម្ពុជា
ប្រតិបត្តិការរបស់វិទ្យាស្ថានប៉ាស្ទ័រកម្ពុជាត្រូវបានគ្រប់គ្រងដោយកិច្ចព្រមព្រៀងដែលបានចុះហត្ថលេខា នៅថ្ងៃទី២៧ ខែសីហា ឆ្នាំ១៩៩២ និង វិសោធនកម្មនៅថ្ងៃទី១៥ ខែមីនា ឆ្នាំ២០១៣ ដែលបង្កើតឡើងរវាង រាជរដ្ឋាភិបាលកម្ពុជា និងវិទ្យាស្ថានប៉ាស្ទ័រ (ទីក្រុងប៉ារីស ប្រទេសបារាំង)។
យោងតាមមាត្រាទី១២ នៃកិច្ចព្រមព្រៀងនេះ វិទ្យាស្ថានប៉ាស្ទ័រកម្ពុជាត្រូវបានដឹកនាំដោយនាយក ហើយកិច្ចប្រតិបត្តិការ ត្រូវបានត្រួតពិនិត្យដោយក្រុមប្រឹក្សាទំនាក់ទំនង។
នាយក និងនាយករង
នាយកវិទ្យាស្ថានប៉ាស្ទ័រកម្ពុជា ត្រូវបានតែងតាំងដោយអគ្គនាយកវិទ្យាស្ថានប៉ាស្ទ័រ នៅទីក្រុងប៉ារីស ប្រទេសបារាំង ដោយមានការប្រឹក្សាជាមួយ ក្រសួងសុខាភិបាលនៃព្រះរាជាណាចក្រកម្ពុជា។ នាយករងវិទ្យាស្ថានប៉ាស្ទ័រកម្ពុជា ត្រូវបានតែងតាំងដោយនាយកក្នុងការពិគ្រោះយោបល់ជាមួយ ក្រសួងសុខាភិបាល ពីក្នុងក្រុមអ្នកវិទ្យាសាស្ត្រកម្ពុជាដែលបម្រើការក្នុងសេវាសាធារណៈជាតិ និងមានសញ្ញាបត្របណ្ឌិតផ្នែកជីវសាស្រ្ត ឬសុខភាពសាធារណៈ។
ក្រុមប្រឹក្សាទំនាក់ទំនង
តាមការគ្រោងទុក កិច្ចប្រជុំក្រុមប្រឹក្សាទំនាក់ទំនងនេះនឹងប្រព្រឹត្តទៅមួយឆ្នាំម្តង។ ក្រុមប្រឹក្សាទំនាក់ទំនងពិនិត្យ និងអនុម័តរបាយការណ៍ប្រចាំឆ្នាំដែលធ្វើបទបង្ហាញដោយនាយក។
ក្រុមប្រឹក្សាទំនាក់ទំនងត្រូវបានដឹកនាំដោយរដ្ឋមន្ត្រីក្រសួងសុខាភិបាលនៃព្រះរាជាណាចក្រកម្ពុជា (ប្រធាន) ឬត្រូវបានជំនួសដោយ រដ្ឋលេខាធិការក្រសួងសុខាភិបាល (អនុប្រធាន)។ ក្រុមប្រឹក្សាទំនាក់ទំនងមានសមាជិកចំនួន ១០រូប រួមទាំងប្រធាន និងអនុប្រធាន ដែលត្រូវបានចាត់តាំងទៅតាមមុខងារ និងត្រូវបានចាត់អ្នកតំណាងណាម្នាក់ ក្នុងករណីអវត្តមាន។
សមាជិកក្រុមប្រឹក្សាភិបាល (នៅខែមីនា ឆ្នាំ២០២៤)
ប្រធាន៖
រដ្ឋមន្ត្រីក្រសួងសុខាភិបាលនៃព្រះរាជាណាចក្រកម្ពុជា : ឯកឧត្តមសាស្រ្តាចារ្យ ឈាង រ៉ា
អនុប្រធាន៖
រដ្ឋលេខាធិការក្រសួងសុខាភិបាល : ឯកឧត្តមសាស្រ្តាចារ្យ កុយ វ៉ាន់នី
សមាជិក៖
សមាជិកដែលត្រូវបានអញ្ជើញ (ខែមីនា ឆ្នាំ២០២៤)
ក្រុមប្រឹក្សាទំនាក់ទំនងអាចអញ្ជើញទៅកិច្ចប្រជុំរបស់ខ្លួន នូវបុគ្គលិកលក្ខណៈដែលមានប្រយោជន៍សម្រាប់ការងាររបស់ក្រុមប្រឹក្សា។
សកម្មភាពវិទ្យាសាស្ត្រនៅវិទ្យាស្ថានប៉ាស្ទ័រកម្ពុជា ត្រូវបានត្រួតពិនិត្យដោយក្រុមប្រឹក្សាពិគ្រោះយោបល់វិទ្យាសាស្ត្រ (SAB) ដែលមានសមាជិកពី 7 ទៅ 8 នាក់ (រួមមានប្រធាន និងអ្នកធ្វើរបាយការណ៍) និងអ្នកសង្កេតការណ៍មួយនាក់។ ក្រុមប្រឹក្សាពិគ្រោះយោបល់វិទ្យាសាស្ត្រជួបប្រជុំរៀងរាល់ 2 ឆ្នាំម្ដង ដែលក្នុងនោះការប្រជុំលើកចុងក្រោយប្រព្រឹត្តទៅនៅខែធ្នូ ឆ្នាំ2018។
តួនាទីរបស់ក្រុមប្រឹក្សាពិគ្រោះយោបល់វិទ្យាសាស្ត្រ គឺត្រូវផ្ដល់អនុសាសន៍ដល់អ្នកស្រាវជ្រាវរបស់ វិទ្យាស្ថានប៉ាស្ទ័រកម្ពុជាសម្រាប់គម្រោងវិទ្យាសាស្ត្រ ការរៀបចំ និងកិច្ចសហប្រតិបត្តិការដែលកំពុងប្រព្រឹត្តទៅ/ថ្មីៗ។
សម្រាប់ក្រុមប្រឹក្សាពិគ្រោះយោបល់វិទ្យាសាស្ត្រថ្មីនៅខែកុម្ភៈ ឆ្នាំ2021 សមាជិករបស់ក្រុមប្រឹក្សារួមមាន៖
អ្នកវិទ្យាសាស្ត្រអន្តរជាតិបី (3) រូប៖
អ្នកវិទ្យាសាស្ត្រកម្ពុជាចំនួនបី (3) រូប៖
អ្នកវិទ្យាសាស្ត្របី (3) រូប ចំណុះឱ្យវិទ្យាស្ថានប៉ាស្ទ័រ (IP ក្រុងប៉ារីស)៖
របាយការណ៍ត្រូវបានរៀបចំឡើងដោយសមាជិករបស់ក្រុមប្រឹក្សាពិគ្រោះយោបល់វិទ្យាសាស្ត្រ ក្រោមការសម្របសម្រួលពីអ្នកធ្វើរបាយការណ៍ និងចុះហត្ថលេខារួមគ្នាដោយប្រធានក្រុមប្រឹក្សាពិគ្រោះយោបល់វិទ្យាសាស្ត្រ និងអ្នកធ្វើរបាយការណ៍។
វិទ្យាស្ថានជាសមាជិកចំនួន 32 ដៃគូ និងសហការីជំនួយនៅក្នុងការស្រាវជ្រាវវិទ្យាសាស្ត្រ សេវាសុខភាពសាធារណៈ និងសម្ព័ន្ធអប់រំនានា បានចូលរួមក្នុងបណ្ដាញវិទ្យាស្ថានប៉ាស្ទ័រអន្តរជាតិដោយឈរលើគោលការណ៍ស្ម័គ្រចិត្ត។ វិទ្យាស្ថានទាំងនេះ បានចុះហត្ថលេខាលើកិច្ចព្រមព្រៀងសហការជាមួយនឹងបណ្ដាញវិទ្យាស្ថានប៉ាស្ទ័រអន្តរជាតិ។ ធម្មនុញ្ញស្ដីពីគុណតម្លៃប៉ាស្ទ័រ ត្រូវបានអនុម័តឡើងដោយសមាជិកទាំងអស់របស់បណ្ដាញនេះ។
ដោយមានវត្តមាននៅក្នុងទ្វីបទាំងប្រាំ អ្នកស្រាវជ្រាវរបស់បណ្ដាញវិទ្យាស្ថានប៉ាស្ទ័រអន្តរជាតិ – ទាំងស្រី និងប្រុស ដែលមានសាវតារវប្បធម៌ខុសៗគ្នា – មានស្មារតីរួបរួមគ្នាដោយផ្អែកលើវប្បធម៌ប៉ាស្ទ័រតែមួយ និងភាពអំណត់ និងគុណតម្លៃផ្នែកវិទ្យាសាស្ត្រដូចគ្នា។
ក្រុមប្រឹក្សានាយករបស់បណ្ដាញវិទ្យាស្ថានប៉ាស្ទ័រអន្តរជាតិ ធ្វើសេចក្ដីសម្រេចថាតើវិទ្យាស្ថានណាខ្លះ ដែលអាចចូលរួមនៅក្នុងបណ្ដាញនេះបាន។ ក្រុមប្រឹក្សានេះមានសមាសភាពដូចជា នាយករបស់វិទ្យាស្ថានសមាជិកនីមួយៗ និងមានអង្គនាយកវិទ្យាស្ថានប៉ាស្ទ័រ ជាប្រធានក្រុមប្រឹក្សា
នាយក។ ក្រុមប្រឹក្សានាយកជួបប្រជុំមួយឆ្នាំ ឬពីរឆ្នាំម្ដង ហើយបោះឆ្នោតជ្រើសតាំងតំណាងចំនួន 12 រូប នៅក្នុងមហាសន្និបាទរបស់វិទ្យាស្ថានប៉ាស្ទ័រ។ នៅពេលចូលរួមកិច្ចប្រជុំ នាយកវិទ្យាស្ថាននានាត្រូវគូសវាស និងអនុម័តលើចំណុចត្រូវអភិវឌ្ឍសំខាន់ៗសម្រាប់បណ្ដាញវិទ្យាស្ថានប៉ាស្ទ័រអន្តរជាតិ និងលក្ខខណ្ឌនៃការដាក់ពាក្យស្នើសុំជាសមាជិក។
សមាគមបណ្ដាញប៉ាស្ទ័រអន្តរជាតិ ដែលត្រូវបានបង្កើតឡើងនៅក្នុងឆ្នាំ2011 ក្រោមច្បាប់ 1901 របស់ប្រទេសបារាំង គឺជានីតិបុគ្គលរបស់បណ្ដាញវិទ្យាស្ថានប៉ាស្ទ័រអន្តរជាតិ (IPIN)។ វិទ្យាស្ថានរបស់ IPIN គឺជាសមាជិករបស់សមាគមនេះ។ សមាគមនេះមានវិទ្យាស្ថានប៉ាស្ទ័រជាប្រធាន ហើយមានក្រុមប្រឹក្សាភិបាលចំនួនពីរ៖
ដោយផ្អែកលើមូលដ្ឋាននេះ បណ្ដាញនេះគ្រប់គ្រងលើវគ្គបណ្ដុះបណ្ដាលអន្តរជាតិ (ប្រមាណ 15 វគ្គក្នុងមួយឆ្នាំ ដែលបញ្ចូលរាល់វិទ្យាស្ថានជាសមាជិកបណ្ដាញ) រៀបចំកិច្ចប្រជុំថ្នាក់តំបន់ ដើម្បីលើកកម្ពស់ទំនាក់ទំនងក្នុងចំណោមអ្នកស្រាវជ្រាវនានា ហើយបង្កើតគម្រោងវិទ្យាសាស្ត្រថ្មីៗ សម្រាប់កិច្ចសហការអន្តរជាតិ។ បន្ថែមលើនេះ បណ្ដាញក៏បានបង្កើតគំនិតផ្ដួចផ្ដើមមួយចំនួនដើម្បីផ្សព្វផ្សាយពីតួនាទី និងមុខមាត់របស់បណ្ដាញវិទ្យាស្ថានប៉ាស្ទ័រអន្តរជាតិទាក់ទងនឹងការស្រាវជ្រាវផ្នែកសុខាភិបាលទូទាំងពិភពលោក។
ក្នុងតួនាទីនេះ បណ្ដាញត្រូវបានទទួលស្គាល់ថាជាស្ថាប័នដែលមាន “ទំនាក់ទំនងផ្លូវការ” ជាមួយនឹងអង្គការសុខភាពពិភពលោក កាលពីឆ្នាំ2016 ដោយបានឆ្លុះបញ្ចាំងពីសារសំខាន់នៃតួនាទីរបស់បណ្ដាញវិទ្យាស្ថានប៉ាស្ទ័រអន្តរជាតិនៅក្នុងវិស័យសុខភាពសាធារណៈរបស់សកលលោក។
នាយកដ្ឋានកិច្ចការអន្តរជាតិ ត្រូវបានផ្សារភ្ជាប់យ៉ាងជិតស្និទ្ធនៅក្នុងកិច្ចការសម្របសម្រួលសកម្មភាពរួម និងការចូលរួមនៅក្នុងកិច្ចប្រជុំរបស់ក្រុមប្រឹក្សានាយក និងកិច្ចប្រជុំរបស់ក្រុមប្រឹក្សាវិទ្យាសាស្ត្រពីសំណាក់វិទ្យាស្ថានជាសមាជិករបស់បណ្ដាញវិទ្យាស្ថានប៉ាស្ទ័រអន្តរជាតិ។ វិទ្យាស្ថាននេះក៏ធ្វើការគ្រប់គ្រងលើមូលនិធិ និងការចាត់ចែងបុគ្គលិកទៅបម្រើការនៅតាមវិទ្យាស្ថាននានា ចេញពីវិទ្យាស្ថានប៉ាស្ទ័រ នៅទីក្រុងប៉ារីស ដោយមានការជួយគាំទ្រពីសំណាក់ក្រសួងការបរទេស និងអភិវឌ្ឍន៍អន្តរជាតិ និងក្រសួងឧត្តមសិក្សា និងស្រាវជ្រាវរបស់ប្រទេសបារាំង។
សមាជិក វិទ្យាស្ថានចំណុះ និងដៃគូរបស់បណ្ដាញវិទ្យាស្ថានប៉ាស្ទ័រអន្តរជាតិ (IPIN) មានការប្ដេជ្ញាចិត្តក្នុងការគោរពគោលការណ៍គ្រឹះខាងក្រោមនេះ ដែលមានសារសំខាន់ក្នុងការបន្តកិច្ចការងារដែលលោក Louis Pasteur បានធ្វើតាំងពីដំបូងរៀងមក ដែលមានដូចខាងក្រោមនេះ៖
ជំនាញឯកទេសនេះ គឺផ្អែកលើបុគ្គលិកដែលមានទឹកចិត្ត និងគុណវុឌ្ឍខ្ពស់ ហើយដែលធ្វើការនៅក្នុងបរិយាកាសការងារដែលមានសុវត្ថិភាព និងដំណើរការល្អ។ បរិយាកាសការងារដែលអំណោយផលខ្ពស់នេះ ត្រូវបានអនុវត្តនៅក្នុងមន្ទីរពិសោធន៍ជីវវេជ្ជសាស្ត្រ (ដែលទទួលវិញ្ញាបនបត្រ ISO 15189) មន្ទីរពិសោធន៍សុវត្ថិភាពបរិស្ថាន និងចំណីអាហារ និងមជ្ឈមណ្ឌលផ្ដល់ថ្នាំបង្ការ រហូតដល់សកម្មភាពស្រាវជ្រាវលើជំងឺឆ្លងថ្មីៗទាំងអស់។
វិទ្យាស្ថានប៉ាស្ទ័រកម្ពុជាបានអនុម័តលើឧបករណ៍សម្រាប់ស្រាវជ្រាវ និងកម្មវិធីសុខភាពសាធារណៈជាច្រើន ដោយមានជំនួយជាច្រើនពីស្ថាប័នស្រាវជ្រាវអន្តរជាតិ/ដៃគូអភិវឌ្ឍន៍ និងការគាំទ្រពីវិទ្យាស្ថានប៉ាស្ទ័រក្រុងប៉ារីស។
វិទ្យាស្ថានប៉ាស្ទ័រកម្ពុជាមានមន្ទីរពិសោធន៍ BLS-2 ចំនួនប្រាំពីរ (រាប់បញ្ចូលទាំងមន្ទីរពិសោធន៍ BLS-2+ ចំនួន 2 ផង) សម្រាប់ការចាត់ចែងអតិសុខុមប្រាណដែលគ្រោះថ្នាក់ ប៉ុន្តែមិនបង្កការស្លាប់ដល់មនុស្សឡើយ ឬដែលមានថ្នាំបង្ការ និងថ្នាំព្យាបាលទៅហើយ ដូចជាជំងឺរបេង ជំងឺឆ្កែឆ្កួត វីរុសផ្លូវដង្ហើមជាដើម។
មន្ទីរពិសោធន៍ BLS-2 ទាំងនោះ ត្រូវបានរៀបចំនៅតំបន់ដែលមានវិសម្ពាធ ហើយការចេញចូលគឺតាមរយៈសោខ្យល់ (airlock)។ មេរោគផ្សេងៗត្រូវបានទុកដាក់នៅក្នុងទូបញ្ឈរ ដើម្បីការពារប្រតិបត្តិការ។
ជាងនេះទៅទៀត ចាប់តាំងពីឆ្នាំ2008 វិទ្យាស្ថានប៉ាស្ទ័រកម្ពុជា បានរៀបចំមន្ទីរពិសោធន៍ដែលមាន
ជីវសុវត្ថិភាពកម្រិតខ្ពស់ (BSL-3) សម្រាប់បម្រើដល់គោលបំណងផ្ដល់សេវា និងស្រាវជ្រាវ (ម៉ូឌុលចំនួនបួនទុកសម្រាប់ MDR និង XDR-TB, ផ្ដាសាយបក្សី H5N1 ជំងឺកូវីដ 19) វីរុសប្រភេទថ្មី ឬមិនស្គាល់ ដែលត្រូវបានដាក់ដោយឡែកពីករណីមនុស្សធ្ងន់ធ្ងរ និងមន្ទីរពិសោធន៍សត្វមួយ (ASL-3) សម្រាប់គម្រោងស្រាវជ្រាវលើការចម្លងវីរុស និងការពិសោធមេរោគ។ ហេដ្ឋារចនាសម្ព័ន្ធនេះ មានលក្ខណៈពិសេសប្លែកគេនៅកម្ពុជា ហើយមន្ទីរពិសោធន៍ដែលមានមុខងារបែបនេះមានតិចតួចណាស់នៅក្នុងមហាអនុតំបន់ទន្លេមេគង្គ។
ក្នុងរយៈកាល 5 ឆ្នាំមកនេះ វិទ្យាស្ថានប៉ាស្ទ័រកម្ពុជា បាន/នឹង៖
មណ្ឌលបច្ចេកទេសទាំងអស់នេះបើកទ្វារសម្រាប់អង្គការវិទ្យាសាស្ត្រផ្សេងៗ សម្រាប់កម្មវិធីបណ្ដុះបណ្ដាល និងស្រាវជ្រាវ ក្រោមការសហការជាមួយនឹងក្រុមការងាររបស់វិទ្យាស្ថានប៉ាស្ទ័រកម្ពុជា។
